प्रचण्ड प्रधानमन्त्री भएपछि पहिलो नेपाल बन्द घोषणाः मिति तोकियो

कृपया पर्खनुहोस, भिडियो 60 सेकेण्डमा लोड हुदै छ

Loading...

काठमाडौं, २० भदौ । नेत्रविक्रम चन्द विप्लव नेतृत्वको माओवादीले आगामी २८ कात्तिकमा नेपाल बन्द गर्ने घोषणा गरेको छ । फागुन पहिलो साता आठौं राष्ट्रिय महाधिवेशन गर्ने निर्णय गर्दै विप्लवले विभिन्न संघर्षका कार्यक्रम भन्दै नेपाल बन्दको घोषणा गरेको छ । सोमबार काठमाडौंमा आयोजित पत्रकार सम्मेलनमा विप्लव माओवादीका नेताले फागुन १ गतेदेखि ७ गतेसम्म राष्ट्रिय महाधिवेशन गर्ने निर्णय भएको र त्यति बेला सम्म संघर्षका कार्यक्रम अन्तर्गत असोज २५ गते देशव्यापी एक घण्टा (विहान ९ देखि १० बजेसम्म) चक्काजाम गर्ने र दशैं-तिहार पछि कात्तिक २८ गते नेपाल बन्द गर्ने कार्यक्रम राखिएको जानकारी दिए ।

बन्दसत्र थवाङमा

विप्लव माओवादीले आफ्नो महाधिवेशनको बन्दशत्र माओवादी जनयुद्धको उदगम थलो रोल्पाको थवाङमा गर्ने घोषणा गरेको छ । काठमाडौंमा महाधिवेशन उद्घाटन गर्ने र बन्दशत्र रोल्पामा गर्ने माओवादीको तयारी छ । पुष्पकमल दाहाल प्रचण्डको सरकार बनेपछि पहिलो नेपाल बन्द घोषणा गरेको विप्लव माओवादीले भदौ २२ गते मागसहितको ज्ञापनपत्र सरकारलाई बुझाउने निर्णय गरेको छ । भदौ २८ गते देशव्यापी मशाल जुलुस र असोज ५ गते आपूर्ति मन्त्रालय घेराउ गर्ने कार्यक्रम रहेको माओवादीले जनाएको छ ।