ट्राफिक प्रहरीका जवानले नै मापसे गरी मोटरसाइकल हाँक्दा एक जनाको ज्यान गयो (पुरा पढ्नुहोस)

कृपया पर्खनुहोस, भिडियो 60 सेकेण्डमा लोड हुदै छ

Loading...

डिसीनेपाल डटकम – ट्राफिक प्रहरीका जवानले नै मादक पदार्थ सेवन (मापसे) गरी मोटरसाइकल चलाएपछि मोटरसाइकलको ठक्करबाट एकको ज्यान गएको छ । घटनामा प्रहरी जवानसहित २ घाइते भएका छन् ।

जिल्ला ट्राफिक कार्यालय कास्कीमा कार्यरत जवान पूर्णबहादुर दरैले मापसे गरी मोटरसाइकल चलाउँदा ठक्करबाट लेखनाथ २ का ३४ वर्षीय ज्ञान पुनको मृत्यु भएको प्रहरीले जनाएको छ । दरै र लेखनाथ ३ का ३६ वर्षीय लील पुनको उपचार भइरहेको छ ।

मनिपाल शिक्षण अस्पतालमा उपचाररत दरैको अवस्था गम्भिर रहेको प्रहरी नायव उपरिक्षक गजुसिद्धि बज्राचार्यले जानकारी दिएका छन् । उनका अनुसार घाइते पुनको खुट्टा भाँचिएको र क्षेत्रीय अस्पतालमा उपचार भइरहेको छ ।

जवान दरैसहितको समुहले शनिवार राति पोखराको एक दोहोरी साँझमा मापसे गरेको प्रहरी स्रोतले जनाएको छ । पछि घर फर्किने क्रममा मध्यरातमा लेखनाथ ३ आयुर्बेद चोकमा रोकिएका दुई मोटरसाइकललाई दरैले ठक्कर दिएका थिए ।

ज्ञानको उपचारका क्रममा मृत्यु भएको थियो । दरैले चलाएको लु१९प ४९४१ नम्बरको मोटरसाइकलले सडकमा रोकिएको ग११प ७३९३ नम्बरको मोटरसाइकललाई ठक्कर दिएको थियो ।