“एमाले कै नेतृत्वमा मात्र अब देशलाई ठुलो दुर्घटना हुनबाट बचाउनु सकिन्छ”- स्वास्थ्यमन्त्री गगन थापा -

कृपया पर्खनुहोस, भिडियो 60 सेकेण्डमा लोड हुदै छ

Loading...

काठमाडौं  । पुष्पकमल दाहाल नेतृत्वको सरकारमा स्वास्थ्य मन्त्री रहेका नेपाली कांग्रेसका नेता गगन थापा एकाएक पूर्वप्रधानमन्त्री केपी शर्मा ओलीलाई भेट्न पुगेको प्रसङ्ग यतिबेला चर्चामा छ ।  नेपाली कांग्रेस र माओवादी केन्द्रले सत्ताबाट हटाएर प्रतिपक्षमा पुगेका नेकपा एमालेका अध्यक्ष केपी शर्मा ओलीलाई वर्तमान सरकारका मन्त्रीले निवासमै पुगेर भेट्नुपर्ने विशेष कारण के थियो ? गगन थापालाई भेट्नका लागि ओलीले बोलाएका थिए वा गगनले नै भेट्न चाहेकाले बालकोट पुगेका थिए, धेरैको चासोको विषय बनेको छ यतिबेला । हुन पनि ओली र थापाबीच भएको भेटको खुलासा उनै थापाले एउटा पत्रकार भेटघाटमा गरेका हुन् । नेपाली कांग्रेसका नेता कृष्ण सिटौला प्यानलले गत शुक्रबार काठमाडौं तीनकुनेमा आयोजना गरेको पत्रकार भेटघाटमा थापाले ओलीसँग भेटेको प्रसङ्ग उप्काएका हुन् ।

थापाले पूर्वप्रधानमन्त्री केपी ओलीसँगको भेटपछि मुलुक दुर्घटनामा पर्न लागेको र अहिलेको सरकारले निर्वाचन गर्न नसक्ने निष्कर्षमा आफू पुगेको बताएका थिए ।

यसरी भएको थियो ओली र थापाको भेट

स्वास्थ्यमन्त्री गगन थापा  ओली निवास बालकोट पुगेका थिए । साँझ करिब ७ बजेतिर बालकोट पुगेका थापा र ओलीबीच करिब २ घण्टा छलफल भएको थियो । स्रोतले भन्यो, ‘स्वास्थ्यमन्त्री थापा ओलीलाई भेट्न घरैमा आएका थिए । उनीहरुबीच बर्तमान राजनीति र देशको भविष्यका बारेमा करिब २ घण्टा लामो छलफल भयो ।’

भेटमा थापाले मनमोहन स्वास्थ्य प्रतिष्ठान विधेयक, चिकित्सक गोविन्द केसीको अनसन र उनले उठाएका मागका विषयमा केपी ओलीको सुझाव लिएका थिए ।
मन्त्री थापा र ओलीबीच प्रधानमन्त्री पुष्पकमल दाहालको भारत भ्रमण, सम्भावित निर्वाचनका विषयमा छलफल भएको थियो । भेटमा अध्यक्ष ओलीले वर्तमान सरकारको कार्यशैलीप्रति असन्तुष्टि जनाउँदै आगामी निर्वाचन र संविधान कार्यन्वयनको विषयमा संसय व्यक्त गरेका थिए । साथै, अध्यक्ष ओलीले वर्तमान सरकारको क्रियाकलाप हेर्दा देश दुर्घटनामा जानसक्ने भन्दै सतर्क रहनुपर्ने धारणा राखेका थिए ।

थापाले पनि ओलीलाई वर्तमान सरकारको कार्यशैलीप्रति आफु पनि सन्तुष्ट नरहेको बताएका थिए । थापालाई उद्घृत गर्दै स्रोतले भन्यो, ‘सरकारको कार्यशैली हेर्दा देश दुर्घटनामा जान्छ जस्तो लागिरहेको छ । प्रधानमन्त्री पुष्पकमल दाहालले यो अवस्थाबाट मुलुकलाई पार लगाउन सक्नुहुन्छ जस्तो मलाई लाग्दैन । नेपाली कांग्रेसको नेतृत्वले पनि यो अवस्थाबाट उन्मुक्ति दिन सक्छ जस्तो मलाई लागेको छैन ।’

थापाले शान्ति सम्झौतादेखि संविधान निर्माणसम्म दलहरुबीचको सहकार्यकै कारण सम्भव भएको स्मरण गराएका थिए । भेटमा थापाले भनेका थिए, ‘शान्ति सम्झौता हुँदै यहाँसम्मको यात्रा तय गरिएको छ । अब पनि दलहरुबीच मेलमिलाप आवश्यक छ । बरु नेतृत्व परिवर्तन गर्नुपर्छ भने पनि त्यसका लागि म पार्टीभित्र छलफल चलाउँछु । दलहरुबीच सहमतिका लागि नेतृत्वदायी भुमिका खेल्नुपर्यो ।’

त्यस्तै, मन्त्री थापाले एमालेकै नेतृत्वमा भए पनि मुलुकलाई दुर्घटनाबाट जोगाउनुपर्ने बताएका थिए ।

त्यसपछि अध्यक्ष ओलीले देशलाई दुर्घटनाबाट जोगाउनुपर्ने आवश्यक्ता रहेको बताउँदै आफुले भने नेतृत्व नगर्ने मनसायमा राखेका थिए । अध्यक्ष ओलीले वर्तमान सरकार राष्ट्रघाती भएको बताउँदै आगामी दिनमा सरकारले गर्ने कामको विषयमा आशंका व्यक्त गरेका थिए ।